दर्शन दे रे, दे रे भगवंता
दर्शन दे रे, दे रे भगवंता
किती अंत आता पाहसी अनंता ||धृ.||माय पित्याची सेवा पुंडलिकाची
भक्ती पाहिली तू गोर्या कुंभाराची
तैसे येणे व्हावे तुझे कृपावंता ||१||
ऐकताच वाणी संत चोखोबाची
साक्षात प्रगटे मूर्ती विठ्ठलाची
ऐसे ध्यान देसी तुझ्या प्रिय संता ||२||
तूच जन्मदाता तूचि विश्वकर्ता
मन शांत होई तुझे गुण गाता
हीच एक आशा पुरवी तू आता ||३||
No comments:
Post a Comment
Leave your comment here